عبّر الممثل عبد اللّه بوشهري عن محبته لصديقه الفنان علي كاكولي، اذ كتب عبر حسابه: "كان صديقي .. وكانت عنده فكرة .. تحمست لها من حماسه وايمانه فيها .. كان عنده شغف مُعدي وطاقة تشحن شغف كل من حوله وتفيض .. كان فنان والفنان اللي نفسه مكسب للفنان والفن .. كانت الظروف بينا وتأخر المشروع ثلاث سنوات .. وكنت اتابعه من بعيد من باب حرص وبعين الاخو والصديق اللي ما يتمنى له إلا كل خير .. وكان القدر اقوى من كل ظرف وكل ما كان .. رجع لي المشروع بوقته وما ترددت لحظة بتنفيذه .. بس لأن هو وراه .. كانت فكرة والفكرة الحلوة ما تموت .. كل ما تتأخر تكبر وشلون اذا صارت من عقل كبير بحجم عقله .. اكتمل الفريق .. ولان الكل يحبه .. الكل اشتغل علشانه من قلب قلبه .. واللي كان خيال .. صار واقع .. وكان أحرصنا يكون الواقع عند حسن ظن جمهوره .. كان انسان مو مسلسل .. كان انسان ملحمة محبة وصداقة واخوة لإنسان .. بكل بساطة يستاهل كل هذا واكثر .. الفارس علي كاكولي .. كان ومازال وبيتم باذن الله على طول صديقي".