كشفت الممثلة المصرية ريهام عبد الغفور أنها لم تجرِ أي عمليات تجميل، موضحة أنها اكتفت فقط بتجربة حقن البوتوكس في وجهها مرات محدودة.
وفي حديثها عن التعليقات المتنمرة التي طالت شكلها، وادعاءات البعض بوجود تغييرات واضحة في ملامحها وظهور تجاعيد في وجهها، قالت ريهام: "هبقى بكذب لو قلت أنها مأثرتش بأي شكل دا كلام بيضايق أنا مش مهتمة بالشكل بس لما حد يفضل يقولك ابتديت أركز أكتر وأقول إيه دا حصل أمتى الكلام دا".
وأضافت ريهام قائلةً: "أنا معملتش تجميل أنا أجبن من إني أعمل دا مش لأني ضد التجميل اللي عايز يعمل حاجة يعملها ويرتاح فيها بس أنا جبانة جدا لما بيحطولي كانيولا لما بتعب بقعد أصوت أنا خوافه أوي، أنا مكنتش بشوف التجاعيد لغاية لما الناس كتبتلي، عملت مرتين أو تلاتة بوتوكس وكل مرة بعمله بتحول لمجنونة وأفضل أبص في المراية وأحاول أحرك وشي وأخاف معرفش اشتغل بعد الحملة دي قلت مش هعمل أي حاجة".
كلام ريهام هذا جاء خلال حلولها ضيفة على برنامج "صاحبة السعادة".
