رد الفنان اللبناني محمد فضل شاكر على الفنان اللبناني راغب علامة، ضمن سلسلة فيديوهات دافع فيها عن والده الفنان فضل شاكر، وقال: "بدي أوجه رسالة من القلب للفنان راغب علامة حضرتك تواصلت من خلال مقربين بينا أن بدك تحل موضوعك مع فضل ورد فضل عليك قالك أن ما عنده مشكلة يحل الموضوع معك مع أنك صارلك 13 سنة ما خليت وسيلة إعلامية وما خليت حدا إلا ما شهرت فينا قلت عنا إلي ما بيتقال إذا بنقلب الأدوار أنت يمكن ما كنت سامحتنا بس وافق الوالد الله يسامح الجميع وصفحة طويناها وإن شاء الله عفا الله عما مضى".
وتابع: "بس اليوم بنشوف فيديو ليك عم ترجع تعيدها وتقول أنا ما بحمل سلاح وما بقتل، أنا أبي أمتى قتل أنت بتعرف كتير منيح أن المحكمة العسكرية برأته وبتعرف كتير أن ماله دخل بهذا الموضوع كان رد فعل على نحرق بيته وسرقته لمدة 3 أيام حمل سلاح لأن ما في حدا كان قادر يحمينا بس لا قتل ولا سرق".
أما بالنسبة للتسجيل الصوتي الذي سرب لوالده، فبرر بأنه قديم للغاية وقال: "الموضوع التاني بالنسبة للتسجيل الصوتي اللي حاليا بعض الصفحات واللي شكله مدفوع لها ليرجعوا يعيدوا نشره هذا تسجيل صوتي من 5 أو 7 سنين ما بعرف شو هدفه أن يطلع يمكن ليفرجوا أن فضل بعدو غاضب هذا كان أثر الهجوم الكبير اللي اتعرضناله على مدى السنين".
وختم: "والدي مركز في فنه وعيلته ومركز إن شاء الله في طلعته بخير وسلام وبريء قدام كل اللي ظلموه على مدى السنين اللي فاتت وعفا الله عما مضى الله يسامح الجميع إن شاء الله خير، تحياتي لكم محمد شاكر".
