أصدرت نقابة المهن التمثيلية بياناً كشفت فيه عن قرارها بشأن أزمة الممثلة المصرية بدرية طلبة بعد التحقيق معها يوم أمس وكتبت عبر صفحتها الرسمية : "قرر مجلس نقابة المهن التمثيلية اعتماد قرار لجنه التحقيق بإحالة الفنانة بدرية طلبة إلى مجلس تأديب".
أزمة بدرية طلبة بدات حين خرجت في بث مباشر عبر حسابها ردت فيه فيه على كل من يكذب ويقول أشياء غير صحيحة عنها وقالت : "قالوا أني قتلت جوزي وأخدت أعضائه دا أنا مافيا بقى ومش عايزني أرد، لا أرد وبالطريقة اللي تريحني عشان أخد حق جوزي اللي في التربة، أنا رافعة قضية على الست اللي قالت إني قتلت جوزي وتكتبوا أن عايزين يتحقق معايا، أنتوا إيه عايزين مني إيه".
وتابعت: "أختي الكبيرة اتصلت بيا تسألني أن كان اتقبض عليا وأنا في بيتي، لما واحد يدخل يقولي انتي قتلتي جوزك أنتي شغاله في الأعضاء أنت شحاتة، الشعب المصري المحترم مش هيكلف خاطرة دقيقة يدخل يشتم واحدة قاعدة في حالها، في ناس أخدت كلامي وقصوه وقالوا بتشتم الشعب المصري، لكن أنا بشتم اللجان والخرفان وبقولهم الشعب المصري أسيادكم".
