شهدت مواقع التواصل الإجتماعي في الساعات الأخيرة حالة من التفاعل الكبير بعد نشر الممثل اللبناني نيقولا معوض سلسلة من التصريحات عبر خاصية الحالة عبر حسابه، اعتبرها البعض تعليقًا مباشرًا على الفنان فضل شاكر وعودته إلى الساحة الفنية.
في المنشور الأول، عبّر معوض عن موقفه تجاه "إعطاء الفرص الثانية"، مؤكدًا أنها لا تُمنح لمن حمل السلاح ضد الجيش، وقال:
"الفرصة التانية بتنعطى لشخص تحاكم وتحاسب وتاب، مش لشخص رفع سلاح بيوجّه جيش بلده..."
وأضاف:
"بحيلا بلد تاني، يلّي متلو بيكون مَكبوب بالحبس.. مش عم بينزل ألبومات"، وختم بالقول: "عيب بقى.. استحوا".
وفي رد لاحق، نشر معوض سلسلة توضيحات، أشار فيها إلى أن موقفه نابع من قناعاته الشخصية واحترامه للمؤسسات الأمنية والعسكرية، موضحًا أنه تلقى رسالة من صحافية محترفة تستفسر عن خلفيات المنشور.
وأكد نيكولا أن مواقفه لا ترتبط بالرغبة في جذب الانتباه أو "الترند"، مشيرًا إلى أنه يعبّر عما يمليه عليه ضميره، وقال:
وسط وابل من الشتائم والسبّ وأشياء أَبتنع من إني إذكرها هون،
بتوصلني رسالة من صحافية كتير بحترمها وبحترم موضوعيتها، ومنحكي..
و بتقلي إنو هيي كانت عالأرض،
و بتفسّرلي إنو يلي نحنا ما عرفو مش هوي يلي صار.
هالشي بيخلّيني غريبتي عا وطني و عا جيش وطني (يلي في دماء، و جثث كتير من عيلتي و أَصحابي و بعدني بشوف الأثر يلي غيابهم تاركو على عيالن لهلق) تعرف إنو للأسف نحنا ببلد لازم نفلتر المعلومة فيه ألف مرة قبل ما نصدقها.
يلي بيعرفني منيح بيعرف أنا مين، و بيعرف قديه ما بيهمني إرضاء الناس قدّام إرضاء ربي و ضميري.
و بيعرف إنو ولا مرة كان هدفي أو همّي ترند، بالعكس بصراحة، كل عمري مركز عا شغلي و هربان من الترند و من الفضيحة لأن شخصيتي هيك.
ما بدي إدّعي إنّي بعرف شو صار عا لزبوط، و ما بعرف مين بيعرف شو صار عا لزبوط. بس يلي بيعرفو هو إنو لو في 1٪ يكون اللي كان واصلني غلط، بعتذر
لأنو لا ربي و لا ضميري رح يرضين اللي قلتو.
"الرب هو فاحص القلوب و النوايا"..
الله يعطي كل إنسان على حسب نيتو و قلبو."
