علق الممثل اللبناني نيقولا معوض على ترحيب البعض بعودة الفنان فضل شاكر إلى الساحة الفنية بأعمال ناجحة، حيث كتب على خاصية الحالة على صفحته على أحد مواقع التواصل الإجتماعي:"الفرصة التانية بتنعطى لشخص تحاكم وتحاسب وتاب، مش لشخص رفع سلاح بوج جيش بلده وجاهر بإرهابيتو وتطرفو.
..بحيلا بلد تاني، يلّي متلو بيكون مَكبوب بالحبس.. مش عم بينزل ألبومات، عيب بقى.. استحوا".
وبعد أن لاقى تصريح معوض الكثير من الجدل على مواقع التواصل الإجتماعي رد:"وسط وابل من الشتائم والسبّ وأشياء أبشع من إني إذكرها هون،بتوصلني رسالة من صحافية كتير بحترمها وبحترم موضوعيتها، ومنحكي.. وبتقلي إنو هيي كانت عالأرض، وبتفسّرلي إنو يلي نحنا منعرفو مش هوي يلي صار.هالشي بيخلّيني غيرتي عا وطني وعا جيش وطني (يلي في دماء، وشهداء كتير من عيلتي و أَصحابي و بعدني بشوف الأثر يلي غيابهم تاركو على عيالن لهلق) تعترف إنو للأسف نحنا ببلد لازم نفلتر المعلومة فيه ألف مرة قبل ما نصدقها.يلي بيعرفني منيح بيعرف أنا مين، و بيعرف قديه ما بيهمني إرضاء الناس قدّام إرضاء ربي و ضميري.وبيعرف إنو ولا مرة كان هدفي أو همّي ترند، بالعكس بصراحة، كل عمري مركز عا شغلي و هربان من الترند والضجة لأن شخصيتي هيك.ما بدي إدّعي إنّي بعرف شو صار عا لزبوط، و ما بعرف مين بيعرف شو صار عالمزبوط. بس يلي بيعرفو هو إنو لو في 1٪ يكون اللي كان واصلني غلط، بعتذر لأنو لا ربي ولا ضميري رح يرضين اللي قلتو.الرب هو فاحص القلوب و النوايا.. الله يعطي كل إنسان على حسب نيتو وقلبو."
