تحدث الممثل المصري ماجد المصري، عن سبب موافقته على المشاركة في مسلسل "إش إش"، حتى قبل قراءة النص، والتعاون مع المخرج محمد سامي من جديد.
وقال ماجد المصري: "كانوا دايما بيسألوني ليه مابنشتغلش مع بعض، كنت بقول لهم محمد سامي لما يلاقي دور متناسب معايا هيرفع السماعة ويكلمني، فعلا جالي مكالمة، كنت رايح في طريقي لفيلم (الغربان) وكان معايا آدم ابني، ولقيت محمد سامي بيكلمني وبيقول لي انت بتعمل ايه السنة دي، قولت له لسه ماتعاقدتش على حاج. محمد سامي قال لي: "اسمع كدة خط الشخصية دا"، وحكى لي "رجب الجريتلي"، قولت له: "محمد أنا مضيت المسلسل دا"، قال لي: "من غير ما تقرأ"، قولت له: "والله من غير ما اقرأ، لأن الدور دا يتدفع عليه فلوس"، وأنا ومحمد بنفهم بعض من زمان، لأننا نعرف بعض من حوالي 20 أو 25 سنة، قبل ما يفكر في الإخراج".
