وجه الفنان المصري حسام حبيب رسالة إلى طليقته الفنانة المصرية شيرين عبد الوهاب، مشيراً إلى أنها ظلمته كثيراً، وقال :"لو سمحتي يا شيرين، بطلب منك حفاظًا على صورتك الحلوة اللي أنا مصر أحافظ عليها.
أنا، يا شيرين، فاض بيا الكيل منك ومن ظلمك ليا، ومن استباحك في أذيتي. في كل حفلة تطلعي تقولي عني كلام، وفي كل مكان تقولي عني كلام، وفي الغرف المغلقة تقولي عني كلام أرجوكي، أنا لسه معتبره غضب ولسه معتبره كلام بتفرغي بيه اللي جواكي. بقولك، دلوقتي الموضوع مبقاش تهريج، وبقيت أنا مأذي نفسيًا، أنا وكل اللي حواليّا. وعايز تبقى مرحلة وعدّت سيبيها تعدي، سيبي كل واحد فينا يروح لحاله".
وختم حبيب حديثه قائلاً :"أنا، يا شيرين، ده مش تهديد، هقول كل حاجة حصلت بالأدلة. علشان خاطر أنا خلاص، عايز المرحلة دي تعدي. أنا تأذيت، أنا والناس كلها اللي حواليّا، اللي مني وأنا منهم. أرجوكي، إكرامًا للعِشرة، لأي حاجة حلوة ما بينا، لو ضحكة ضحكناها مع بعض، اطلعي قولي الحقيقة، اطلعي قولي حاجة، اطلعي قولي كل اللي قولته ده صح. ساعتها، هبقى أنا خيرتها، فأما أعمل كده، أنا مندمش، أنا بني آدم مريض، لو دافعت عن نفسي بندم، لو قلت الحق وحقي، أنا هندم. مش هقدر، لو قلت الحقيقة، أنا هنتحر. هي حطاني في موقف أنا مش قادر عليه خلاص".
حديث حبيب جاء في مقابلة مع الإعلامية بسمة وهبة في برنامج "العرافة".
