فاجأ الفنان المصري حسام حبيب الجمهور، بتصريحه بأنه يرفض إعطاء لقب "صوت مصر" لطليقته الفنانة المصرية شيرين عبد الوهاب.
وقال خلال حلوله ضيفاً على الإعلامية بسمة وهبة في برنامج "العرافة: "حفلة شيرين عبد الوهاب كانت بكم وبقت بكم لما دخلت حياتها؟ وانا ساعتها مكنتش بشتغل حفلات، أنا معملتش حفلة ولا أغنية، عشان أنا أديت اللي أدامي كل حاجة، كانت هي قضيتي وهي طموحي، وجت لي في وقت كانت متكسرة فيه وطلبت هي إننا نتجوز، هو أنا كنت بحب شيرين يا جماعة!"
وأضاف: "كان أجرها كم قبل 2018 وبقى أجرها كم؟ وكان عندها ألبومات ملكها ولا لأ، أنا كان لي دور ولو هي عايزة تنكره تنكره، لكن مافهمش الناس إنه كان مانعني، تقول للناس إيه اللي تخنها؟ أنا مقدرش أقول، اقسم بالله لو مطلعتش تقول واقعة واقعة عن كل للي اتهمتني فيهم وبإثباتاتها، هحكي الحكاية بتفاصيلها بشهودها بإثباتاتها بمحاضرها بكل حاجة."
وتابع: "ولو دي صوت مصر وبالسلوك ده، هغير جنسيتي بكرة. الفضل لله أولًا وأخيرًا، لكن أنا كنت جزء من نجاحها وعودتها للساحة بقوة، حفلاتها زادت، وأجرها زاد، وده مش كلامي، دي أرقام وإثباتات، وأنا مش بندم على اللي عملته، بس اللي بيحصل ده مش عدل".