تحدث الفنان المصري أحمد فهمي، عن زياراته المتكررة إلى الطبيب النفسي منذ العام الماضي، وذلك بسبب الضغط النفسي الذي يتعرض له هو وزملاؤه من التعليقات المسيئة.
وقال أحمد فهمي: "فيه ناس ساعات بتبقى عايزة تضايقك من غير سبب، وفيه ناس بتستفزني في المطلق، وبتعلق بهجوم، ولكني من السنة اللي فاتت بدأت أروح لدكتور نفسي وأتكلم معاه علشان أسيطر على العصبية، وقالي إن مشكلتي إني بحاول أتبنى أفكاري".
وتحدث عن عمله بين الغناء والتمثيل، خلال لقائه مع الإعلامي شريف عامر، في برنامجه "يحدث في مصر" على قناة mbc مصر، وقال أحمد فهمي: "المزيكا لا تفارقني لحظة ومرتبطة طول الوقت بالتمثيل، وأنا ببقى عايز أفصل بين إني مغني وإني ممثل، مش عايز المشاهد يشوفني بمثل ويلاقيني بغني التتر، علشان كده بفصل ومبغنيش في مسلسلات بمثل فيها".