خرجت الفنانة المصرية مي فاروق عن صمتها، للرد على الانتقادات التي لاحقتها بعد زواجها من الممثل المصري محمد العمروسي.
وأعربت مي خلال مداخلة لها مع الإعلامي المصري عمرو أديب في برنامجه "الحكاية"، عن استغرابها من ردود أفعال البعض عبر مواقع التواصل الاجتماعي، وقالت: "أنا اتجوزت بس، معملتش أي حاجة، والحمد لله كان يوم حلو والناس اللي كانت موجودة كانت جاية بحب وفرحة".
وأضافت أن الاحتفال كان مميزاً بمشاركة أولادها وأقرب الناس إليها، مشيرة إلى أن الجو العام كان مليئاً بالسعادة: "كل الناس كانت فرحانة، بس معرفش إيه اللي حصل بعد كده، مش فاهمة".
وفي رد غير مباشر على الهجوم الذي تعرضت له بسبب زواجها كونها أماً لطفلين، قالت مي: "ليه مقولش إني بتجوز قدام الدنيا كلها؟ لما بعد 6 سنين أنا أم بأولادي لوحدي ومسؤولة عنهم وعن شغلي، يوم ما أقرر أتجوز، أنا واحدة ست عايزة تتبسط وولادي يتبسطوا بيا ومعايا".
وكان رد محمد العمروسي على الإنتقادات، وكتب على صفحته الخاصة: "فعلاً الفاضي يعمل قاضي، مجتمع بقى مريض لدرجة تخوف، بس ده مش جديد، عشان كده هنقول: الذئاب تعوي والقافلة تسير، مع احترامي للذئاب والله."
