تحدثت الممثلة المصرية الشابة ليلى أحمد زاهر عن خطيبها الممثل هشام جمال: حيث قالت : "لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية".
وتابعت ليلى أحمد زاهر حديثها قائلة: "أنا طول الوقت مطمنة هو مصدر أمان بالنسبة ليا وحاجة مهمة أوي، بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا"، وأكملت ليلى أحمد زاهر: "بحب في هشام أوي أن هو بيسمعني وبيسبني أتكلم، مش شرط طول الوقت نكون بنفكر بالمنطق، أنا دايما بقوله شكرا أنك بتسمعني، أنا وهشام أصحاب ونعرف بعض بقالنا كتير واشتغلنا مع بعض وعدينا بمواقف كتيرة، أنا أتعلمت منه كتير جدا إحنا كنا أصحاب الأول وبعدين حبينا بعض".
وإختتمت ليلى أحمد زاهر حديثها عن هشام جمال: "من ساعة ما حبيت هشام جمال اتعلمت منه حاجات كتير جدا وغير في شخصيتي للأحسن ومخي نضج أكتر وبقيت بعرف أعبر أكتر عن مشاعري مع كل اللي حواليا ومعاه، الحب جميل".
وكانت تلك التصريحات خلال لقائها ببودكاست "موضوع عائلي" مع صدقي صخر .
