احتفلت الممثلة المصرية مي عمر مع فريق عمل مسلسل "إش إش" بانتهاء تصوير المسلسل.
وشاركت مي متابعيها عبر حسابها الرسمي، مقطع فيديو للاحتفال ظهرت فيه برفقة زوجها ومخرج العمل محمد سامي، وفريق العمل وهم يهتفون بكلمة "فركش" في إشارة إلى انتهاء التصوير.
وأرفقت مي الفيديو بتعليق كتبت فيه: "حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد".
وأضافت: "شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل.. فريق العمل في "إش إش"، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل".
وتابعت: "بجد، ما حسيتش إني لوحدي لحظة، كلنا كنا إيد واحدة، ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم".
كما وجهت مي رسالة إلى زوجها محمد سامي، قائلة: "شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها، وشكرا إنك بتعرف ازاي تخرج مننا أفضل ما عندنا، وعلى إبداعك وتوجيهك في كل مشهد.. شكرًا إنك كنت قائد حقيقي لينا وخلّيت "إش إش" يبقى تجربة ما تتنسيش".
وتابعت تعليقها قائلة: "منتظرة بفارغ الصبر تشوفوا "إش إش"، وأتمنى توصل ليكم مشاعرنا بنفس القوة اللي حسيناها.. شكراً لكل واحد كان جزء من الحلم ده! وبوعد الجمهور إن شاء الله هيتفرجوا علي مسلسل متعوب على كل شوط فيه.. مسلسل "إش إش" بإذن الله هيكون مسلسل بيحترم ذوق الجمهور".
