عبرت البلوغر المصرية أسما شريف منير عن مشاكلها مع العلاقات العاطفية، حيث كتبت على صفحتها على أحد مواقع التواصل الإجتماعي:"عشت لفترة طويلة في علاقات مش مرتاحة فيها، العلاقات كانت مرهقة ومليانة أذى نفسي، دايمًا حاسة إن في حاجة ناقصة، وفي حاجة غلط، العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين"
وتابعت:"كنت دايمًا بقول لنفسي مش لازم كل حاجة تكون مثالية، المهم إني مرتاحة حتي لو موجوعة، ما هو ده الحب اللي أعرفه، مش الحب عذاب برضه؟، بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت أقعد مع نفسي وأسأل.. هل الراحة كفاية؟، هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟ بعد التفكير، قررت إني مش هتستمر في علاقة مش مريحة لمجرد إني خايفة أبقي لوحدي، قررت إني أستحق علاقة فيها حب حقيقي، دعم، وتفاهم.الدرس اللي إتعلمته كان واضح، متقبلش علاقة متوسطة بس عشان الخوف، إحنا نستحق إننا نعيش علاقة مليانة حب وتقدير بجد".