كشف الممثل المصري محمود شاهين، سر وجود راقصة في حفل عيد ميلاده، مؤكداً أن زوجته هي التي تحدثت مع الراقصة وأحضرتها إلى الحفل.
وقال محمود شاهين: "مراتي هي اللي جابت الرقاصة في الفرح وفي عيد ميلادي وهي اللي جابت الساحر لأن عيد ميلادي كان مفاجأة بالنسبة ليا، لأنه عيد ميلادي الـ30 وأنا مكنتش عايز أعمل عيد ميلاد، جابت أصحابي وعملت مفاجأة، مكنتش متخيل أي حاجة جيبالي هدية لذيذة وأصحابي حواليا ومبسوط، فجأة لقيت ساحر لذيذ جدا. هي عارفة أن أنا بحب الرقاصات وبحب اتفرج على الرقاصة وبحب الرقص بكل أشكاله إذا كان رقص شرقي أو في الأوبرا أنا بحب الرقص عموما، أنا دايما ببعتلها فيديو لرقاصات لأن هي صاحبتي واتعودت خلاص لأنها عارفة أنا مش جوايا حاجة وحشة، الموضوع بيبقى مضحك وبنهزر وهي عندها ثقة في النفس، لما شفت الرقاصة في عيد ميلادي بوست دماغها وقلت لها شكرا. هي اللي جابت الرقاصة في الفرح، أنا كان نفسي أجيب رقاصة وكنت عايز حد من أصحابنا ومجاتش، فكنت بحكيلها، هي حكت لأصحابها وهما ساعدوها".
