كشف الممثل المصري محمد هنيدي عن سر مرتبط بالممثل المصري أحمد السقا، تحدث عنه للمرة الأولى.
وقال محمد هنيدي: "في بداياتي كنت بمثل في عمل ولما صورت مشهدين وشوفتهم حسيت إنه وحش جدًا، واعتذرت عنه ورشحت ليهم أحمد السقا، كان لسه بيدرس في المعهد ومش معروف. المنتج الفني وقتها قالي أنت هتعمل فيها نجم؟ ومش هتبقى حاجة، ولما شافني وقت تصوير فيلم همام في أمستردام كان فاكر إني مش هقابله كويس لكني احترمته وسلمت عليه. زوجتي معايا من بداياتي وليها دور كبير في مشواري، وقولتلها زمان، لو تميت الـ35 سنة ومكنتش حققت نفسي في التمثيل، هغير المجال وهسافر أشتغل حاجة تانية".
