شارك المخرج طارق العريان الجمهور مقطع فيديو عبر حسابه الخاص، من كواليس فيلم "ولاد رزق"،الذي مر على عرضه ما يقارب الـ 3 أشهر، وحقق إيرادات عالية جداً.
وظهر العريان في الفيديو كاشفاً عن تفاصيل جديدة حول العمل، وقال: "الأكشن اللي موجود عندنا في الفيلم هو عملية كبيرة جداً، وإحنا كنّا عايزين أكشن عربيات، وكوميديا في النص، وموقف يبقى فيه عواقب بتحصل أو حاجات غلط. دائماً إحنا بنحط الخطة، ونروح نشوف إيه اللي حصل في التنفيذ، وإحنا فكّرنا في تايسون فيوري مش مشاهير تانيين لأنه بطل عالمي، ولكن عشان تحصل القصة اللي قولنا عليها في الفيلم. البداية كانت لما قررنا نسرق تايسون فيوري وهو خارج من الأرينا، والطريقة كنّا عايزين نخلّيها لايقة مع الفيلم بتسكينهم وطريقتهم، لأن "ولاد رزق" في الآخر هم من عين الصيرة وتفكيرهم بسيط، وفضلنا نفكّر إيه الخطة اللي نوصلهم بيها... كانوا يدخلوا الكونتينر، وعملنا نوع من أنواع الأكشن في البوليفارد واللي عجبنا فيها إنها زحمة، وكان المفروض أول ما يدخلوا يسلّموا الساعة لواحد من ولاد رزق الخمسة، اللي قرر ميقفش في مكانه، والمفروض إنهم بيتجمعوا في مكان واحد وهو الأهرامات. وعملنا أكشن هناك، وعملنا أكشن مدته 20 دقيقة، وكنا مركّزين إنه يبقى فيه تغيير لشكل الأكشن كل 30 أو 40 ثانية، وكل دا عشان نخلّي شكل الـ40 دقيقة مُبهر".
