بعد تصريحات الممثلة المصرية إلهام شاهين الأخيرة حول إيقاف المخرج التصوير من أجل الصلاة، صرح الفنان المصري دياب عن رأيه بالأمر وشن هجوماً على شاهين.
وفي تفاصيل ما قاله دياب: "إيه المشكلة بتحصل كتير، مثلا السنة دي كنت بصور مع المخرج عمرو عرفة وقت الصلاة بنقف 5 دقايق نصلي ونرجع نكمل تصوير، ساعات التصوير بيعطل ساعة ونص عشان فنانة جايه متأخر أو بتعمل شعرها أو المكيب أب مش عاجبها، بنقعد عطلانين 3 أو 4 ساعات دي أهم ولا الصلاة؟ الموضوع بسيط يعني مش محتاج، ساعات بنعطل على دلع كتير ميتحطش في الكفة مع الصلاة، اللي عايز يصلي يصلي إيه المشكلة يعني الـ5 دقايق بتوع الصلاة خلاص اليوم هيبوظ، مش هيبوظ وكل واحد ليه وجهة نظر ودي وجهة نظري إحنا مش شغالين شغلانة بنعطل مصالح المواطنين.إحنا ساعات بنقف عشان فنان بيعدل هدومه أو فنانة بتعدل شعرها والله ممكن نقعد ساعتين، أنا مش شايف إن فيه إشكالية".
كلام دياب جاء خلال إطلالته في برنامج Mirror، الذي يقدمه الإعلامي خالد فرج.
