بعد ان عبرت الممثلة المصرية عفاف مصطفى عن حزنها بسبب قلة مشاركتها في أعمال فنية بالرغم من الإعلان عن التحضير للعديد من الأعمال في رمضان المقبل، أوضحت في تعليق كتبته على صفحتها على أحد مواقع التواصل الإجتماعي:"تليفونات جاتلي من صحفيين بيسألوني انتي عارفة السبب زي ما احنا عارفين صح؟؟ بأرد وأقول يعلم الله وحده ودا حقيقي، لا أتهم أحدا بأنه مانع لشغلي ولكن حاليا تبدل حالي العملي للأسوأ.
. بقيت قاعدة في الوقت اللي كنت دينامو شغل وكنت أرفض من المعروض أدوار لا تكون فعالة دراميًا أو إضافة لي".
وتابعت:"لا أنكر عليكم أني لأول مره في تاريخ شغلي لم أعمل ولا عمل واحد في الأوف سيزون هذا العام على غير العادة كالسنوات السابقة وده اللي حرك تفكيري أني قد أكون مستبعدة، ولكن لا أتهم أحد، وأفترض في جميع الناس حسن النوايا، وستتضح الأمور بعد انتهاء الموسم الدرامي لرمضان الجاي واللي بنتظره بحب وشغف من السنة للسنة، جايزأكون متسرعة ولسه فيه أمل لكن عقلي رافض الاطمئنان نهائي، لا اخفي عليكم يا أصدقائي كل فنان رهينة رنة تليفون".
