نشرت الممثلة ليليان نمري صورة لها برفقة والدتها الممثلة الراحلة علياء نمري وخالها الياس وخالتها سلمى، من فترة الحـ رب بعد نزوحهم من الدامور، وقد علّقت بالقول: "قصة وجَع وعِبرة :بهونيك نهار راح خالي الياس يجيب قِفِّة بن ضَيع الطريق ، ستي سارة خافت علية ، ركضي يا سلمى (خالتي ) شوفي الياس وين ، غاب الياس جمعة ، رجع بلا قفِّة البن ، ماتت ستي ، و سلمى ما تجوزت لتخدُم الياس خدمتو لاخر يوم من عمرها عاشت خايفة يفل وما يرجع ، بهونيك نهار نزِلت لعندُن عم يتغدوا سألتها ، ندمانة ما تجوزتي ? وعا مين كنت بدي اترك سارة والياس هيك قالت ، قلتلها طب سارة راحت و تركتك ، قالتلي ، بس بعد في الياس، قلتلها وان راح الياس ? قالتلي ، بيبقوا الصور راحت سلمى وبقي الياس وبعد فترة راح الياس وما بقي الا الصور ، ما بعرف ليش تذكرتن وج هالصبح يمكن لإنو دايما بفكر شو بدو يصير بكل البومات هالصور بعد ما موت يمكن يصيروا بسوق الأحد وينباع الألبوم بـ الفين ليره او ٥٠٠٠ اسألوا خالد خبرني شاف البومات قديمة هونيك لكتار من المشهورين مرميين عالارض ، لهلق بعدن البومات العيلة والبومات سلمى ، وصور ناس ما بعرفن ، اللي بعرفوا انُن راحوا ، عليا والياس ومنصور وتيريز وسلوى وسلمى وعرابتي وخالتي نور وكتار وبقيوا الصور الله يرحمكم الصورة انا وامي وخالتي سلمى وخالي الياس بالحرب بعد ما تهجَروا من الدامور ماتوا وهني عم يحلموا يرجَعوا عالدامور قلال اللي رجعوا بس هني راحوا بحبكن".
