تحدثت الإعلامية المصرية بسمة وهبة عن الطريقة الصوفية في العبادة، مؤكدة أن هناك من ينوي تشويهها.
وقالت بسمة وهبة بمقطع فيديو عبر حسابها الخاص: "مش بحب أدافع عن نفسي بس لما يكون الموضوع متعلق بالدين لازم أطلع أدافع، لما نزلت فيديو قلت فيه عايزة حق الشيخ جابر البغدادي كنت متخيلة إن الناس هتتعاطف بس اكتشفت عكس كده، في ناس بتشوه صورة الصوفية وإنها تبع العصر الجاهلي وإن فيهم ناس وحشة، وأنا عاوزه أقولهم عيب اللي بيتقال عن الصوفية، ده طريق تسمو فيه روحك مع ذكر الله والتوسل إلى الله ورسوله، وإحنا بنحب أي حاجه ربنا بيحبهم لأن ربنا بيعزهم وبيحبهم. كنت عايشة على حبوب المهدئات والاكتئاب في فترة في حياتي ولما عيشت مع الصوفية بدأت روحي تتجلي، بذكر الله ورسوله وإحنا بننشد لسيدنا النبي بعد ما الناس غنت ليه طلع البدر علينا، وده بيخلي روحك معلقة في السماء، والصوفية طريق حلو وجميل ومش هتخسر فيه هتكسب فقط مليان ناس كلها خير ومحبة وبنتقابل في الله وحبه. فيديو صاحبتي اللي عملته كانت مصابة بالسرطان وانتشر في جسمها وكنا عاملين حلقة ذكر عشان نقويها، وكنت بستعين بالله، والسوشيال ميديا كتبوا عناوين غلط إني بقول بحق الشيخ جابر يشفى صاحبتي، وربنا لا يسامحكم لأنهم خدوا الكلام غلط ومنكم لله وأنا ما استعنتش بـ بني آدم أن يشفى صديقتي ومنكم لله عشان أنا كنت بقول حق الشيخ جابر وربنا يشفيها".
