تحدثت الراقصة الإستعراضية والممثلة المصرية دينا عن رأي إبنها الوحيد برقصها، وتقبّله فكرة عملها.
وقالت دينا في برنامجها الجديد "اسمع مع دينا": "بيقولوا وسؤال حشري جدا ابنك إزاي متقبل أن إنتي بترقصي؟ طبعا هو سؤال خاص جدا وداخلين جوا العيلة، لكن اللي أقدر أرد عليه إني اتربيت على إني احترم النجاح لو حد ناجح أبص هو ناجح ليه وهل هو بيحب شغلته دا اللي يشغلني أكتر من إني انتقد، وأن إحنا ملناش دعوة مين بيعمل إيه إحنا مش دا شغلنا، أمي وأبويا ربوني كده. ولما خلفت أنا وأمي ربنا يحفظها ساهمت في تربيته وربته بنفس الطريقة أنه يقدر النجاح، ابني فخور بنجاحي وبيتمنى ينجح زيي، مش بيفكر بطريقة إيه دا ماما بترقص؟ أيوة ماما بترقص لأنها ناجحة هي دي الطريقة الوحيدة اللي ناجحة فيها وأمي مش جاهلة متعلمة، أمي خلصت شهاداتها وحبت شغلها ونجحت فيه. طريقة التربية والتفكير بتغير أسلوب تفكير البني آدم، الشخص لما يفكر صح يفكر في نجاحه وتفوقه وشغله مش يشغل دماغه بمين بيعمل إيه حتى لو كان أمه أو أبوه أو أخته، طالما ناجح المفروض يكون فخور بيهم مش بيكسرهم".
