نشر الفنان المصري تامر حسني فيديو يجمع أغنيات له من كلماته وألحانه، وعلق على الفيديو:"زمان وانا ببدأ حياتي مكنتش ناوي اني اصمم اكتب اغانيا و الحنها عملت اول لحن في حياتي لاغنيه اسمها راحت حبيبتي في البوم تامر و شيرين و انتوا عارفين الالبوم ده ازاي نجح و كل اغانيه نجحت و كانت الاغنيه كلمات الشاعر الكبير بهاء الدين محمد طلع صحفي ينتقدني و كتب هو انت لحقت تنجح عشان تلحن … فسألت نفسي هو كتب كده ليه مع ان الاغنيه من انجح اغاني الالبوم و اكتر اغنيه ساعتها اثرت في الشباب ،، فسألت هو مين الصحفي ده طلع صاحب مطرب معين فعرفت انه يمكن يكون غيران شويه و خلاص .
. بعد شويه نزلت اغنية عيونه دار و كسبت مسابقه كبيره جداً في مصر ساعتها على نجوم اف ام و اخدت لقب اغنية القرن فطلع نفس الصحفي كتب انت مصمم تلحن ليه تخيلوا اغنيه حاصله على لقب زي ده و بتتحارب !!! من هنا خدني الحماس ادور جوه نفسي و اركز جامد اني اغيظه ومش بس الحن لاء انا هلحن و هكتب اغانيا وفعلاً من قلبي بشكر الصحفي و المطرب اللي خلاه يكتب كده لان لولاهم مكنتش عملت الاغاني اللي هذكرها دي و مكنتش هبقى في مكانتي دي و ياريت تركزوا انهم كلهم كلامي و لحني عشان في ناس كتير متعرفش".
وتابع حسني:"نور عيني .. كل مره .. لما بتكون بعيد .. مش عارف اتغير .. بنت الايه .. قسمه و نصيب .. اكتر حاجه .. انا ولا عارف .. يا تاعبني .. ضحكتها مبتهزرش .. متوصينيش .. إرجعلي .. ميحرمنيش منك .. الله يباركلي فيك .. صوتِك .. بغير عليها .. اسكتي .. حرقة دم .. زي الايام دي .. تليفوني رن .. سي السيد .. ميت وش .. هدلعني come back to me طبعاً لسه في اغاني كتير بس دول اللي حضروا في ذهني دلوقتي و لما لحنت و ألفت لغيري كانوا اغنيتين
قوم اقف وانت بتكلمني لبهاء وبص بقى لشيرين كل دول كلماتي و الحاني تخيلوا بقى قد ايه الصحفي ده والمطرب اللي زقه عليا فادوني في مستقبلي قد ايه كلمه جارحه المقصود منها تحطيمي بكرم ربنا اقدر احولها لاحد الاسباب اللي تخليني انجح و اكمل ٢٠ سنة من كلامي والحاني بكتب البوست ده عشان عارف ان كتير مننا بيسمع كلام مُحبط كل يوم فبلفت نظره انه عنده فرصه كل يوم انه يسمع كلمه تضايقه عشان يحولها لطاقة نجاح عظيمه تفرق في مستقبله و حياته".
