صرحت الممثلة المصرية هنا شيحة عن عمليات التجميل:"أنا بخاف على نفسي جدا عندي خوف، وأنا ممثلة مينفعش أضحك ووشي ميظهرش عليه علامات الضحك، في حاجات مينفعش الممثل يعملها.
"
وعن حفاظها على بشرتها قالت شيحة :"لازم نهتم ببشرتنا ونشرب مايه كتير، بحط كريم نهاري وليلي وبعمل مساج الحاجات دي مهمة عشان الدورة الدموية، بقوم الصبح أشرب مايه بليمون وشوية وأشرب عصير كرفس أو كركم،المكياج لازم ننضفه كويس جدا، لازم أي حاجة بنستخدمها تكون طبيعية وميكونش فيها كيماويات كتيرة وناخد بالنا من الأكل، أنا بحب في التصوير أخد جزر وخيار وفاكهة، أنا معروفة إني في التصوير "أرنب" مش بقدر أكل أكلات تقيلة وممكن أنام، طول الوقت باكل بس حاجات صحية".
كلام شيحة جاء خلال لقائها في برنامج "كلاكيت" من تقديم لينا الطهطاوي عبر إذاعة وقناة "نجوم FM".
