شاركت الكاتبة اللبنانية ندين جابر، متابعيها عبر حسابها الرسمي، منشوراً تحدثت فيه عن الصعوبات التي تمر بها كونها كاتبة.
وكتبت ندين في منشورها: "بتعرف شو يعني تكون كاتب؟ يعني يضل راسك عم يشتغل حتى انت ونايم، يعني يضل عقلك واعي عكل شي عم بيصير حواليك، يعني انك تكون موجود بين الناس بس مش موجود، يعني تعيش بعالم وهمي لدرجة تصير تنفر من عالمك الحقيقي".
وأضافت: "انك تصير كاتب يعني انك تخلق شخصيات تحبها وتوثق فيها اكثر من الناس اللي بحياتك، يعني يعلى سقف توقعاتك بالعلاقات لأنك صرت معود تتفاعل مع شخصيات عم تتصرف مثل ما انت بتحب مش مثل ما هني بحبوا".
وتابعت: "انك تكون كاتب يعني انك تفلش كل يوم وجعك قدامك وتفتح احاسيسك وتشرع ابواب جروحات عشت عمر لتسكرها، يعني انك تستحضر كل ذكرى بشعة لازم تنساها بس ضروري تستحضرها لتكون حقيقي..."
وأضافت: "انك تكون كاتب يعني محكوم عليك ما تتخطى كل حدا اذاك، وما تنسى ولا لحظة بشعة عشتها، يعني كل وجع وقهر وضعف حسيتو مرة رح ترجع تحسو مرة ثانية وثالثة وعاشرة".
وختمت ندين: "انك تكون كاتب يعني انك تخلق مرة وتموت مليون مرة".
