تقدم فنان المهرجانات المصري حسن شاكوش باعتذار للشعب التونسي، بعد تصريحات له شكا خلالها من طريقة معاملة الفنانين في مطار دولة تونس، مؤكداً أنه لن يذهب لإحياء الحفلات بتونس إلا بعد حل هذه الأزمة.
وظهر حسن شاكوش بفيديو على صفحته الخاصة على موقع التواصل الاجتماعي، وقال: "مساء الخير علينا وعليكم وعلى شعب تونس الكريم، أنا طالع دلوقتي بناء عن اللايف اللي صدر مني الأيام اللي فاتت إن أنا بجرح في الشعب التونسي، أنا مقدرش أجرح في الشعب التونسي دول أهلي وناسي ومعروف طبعا تونس الخضراء وتونس الفن الجميل ومقدرش طبعا إني أجرح فيهم وأنا أصحابي المقربين ليا التوانسة عارفين حسن بيحب تونس قد إيه وأول ما بيقولولي في حفله في تونس والله العظيم باخد شنطتي وبجري لأني أنا بحب البلد دي".
وأضاف: "ياريت محدش يكون فهمني غلط من الفيديو اللي فات وإن أنا بسيء للشعب التونسي أنا مقدرش أسيء ليهم لأن دي بلدي التانية وأنا طالع بعتذر للشعب التونسي كله وأقولهم أنتم على راسي من فوق ومقدرش أجرح في أي حد فيكم إن كان كبير أو صغير وأنتم عارفين حسن بيحبكم قد إيه وإن شاء الله ياريت تقبلوا اعتذاري وإن شاء الله أول زيارة هتكون لتونس وهنعمل حفلات تكسر الدنيا وبوعدكم أن أقوى حفلة هتكون في تونس ياريت محدش يزعل مني بناء على الفيديو اللي صدر مني بتأسف لكم كلكم أنا بحبكم".
