بعد تعرضه للعديد من الإنتقادات من جمهور الفنانة المصرية شيرين عبد الوهاب، خرج الملحن والموزع الموسيقي محمد رحيم عن صمته، بعد إتهامه بتجاهله ذكر إسم شيرين عبد الوهاب، مؤكدين أن إسمها كفيل بتحقيق النجاح لأي شخص تتعامل معه.
وعلق رحيم عبر صفحته الخاصة على موقع التواصل الإجتماعي، قائلاً :"ايه ياجماعة كل الشتايم وقلة الأدب دي علشان بحتفل بنجاح لحن من الحاني زي الف لحن نجح لي قبل كده طب انت كجمهور فنانة بتحبها ومتحيز ليها وفاكر ان هي بس اللي بترزق الناس أنا ايه ذنبي انك جاهل ومش عارف اني اخدت ميوزيك أوورد سنة 2000 قبل انت ماتتولد في اغنية حبيبي ولا على باله مثلا كان عندي 20 سنة !".
وأضاف رحيم :"أنا مكنتش احب انزل لمستوى اني اتكلم مع شوية عيال صغيرة واقول الكلام ده بدال مانبارك لبعض كلنا زي كل جمهور محترم لكل فنان أنا اشتغلت معاه ألاقي شوية عيال بتشتمني علشان بتكلم عن نجاح لحن من الحاني انتوا ازاي كده طبعا النجاح للكل والعمل عمل جماعي وانا عمري مابنسى اكتب اسم مهندس الصوت نفسه علشان أنسى النجم".
من ناحية أخرى اقدم رحيم على نشر صورته مع عبد الوهاب وقال :"انا بحب شيرين من قلبي ومن اكتر من عشرين سنة واحنا بنشتغل وبننجح "صبري قليل" "مشاعر" "الوتر الحساس" كلها اغاني ومحطات مهمة لينا احنا الاتنين بطلوا تثيروا فتنة بينها وبين زملاؤها في الوسط وصناع اغانيها وابعدوها عن دائرة التوتر والخلافات".
