في تصريح للفنانة المصرية شيرين عبد الوهاب يوم أمس، ردت على انتقادات الناس لها عن سبب عودتها للفنان المصري حسام حبيب رغم خلافاتهما المستمرة، فأوردت: "الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي"، شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.
. للأسف مكرهها فيا وفي أبوها وفي أهلي تمامًا، أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي. أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي. على مدار 6 سنوات لم أتقاضَ منه أي شيء ولم أحصل على أموال تلك الحفلات العديدة التي أقامتها، معرفش أي حاجة عن حساباتي، وكمان كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا وخد دهبي كله مني".
كلام شيرين جاء لموقع "تليجراف مصر".
ورداً على عبد الوهاب صرح زوجها السابق الفنان حيام حبيب لـet بالعربي: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
وشارك حسام صورة من هاتفه، كما قال :"شيرين عبد الوهاب دمها بقا تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان انا رافض نرجع تاني بعد كل اللي حصل أخر مرة لما الأمر وصل للنيابة والحوار كبر، وفي الأخر عشان أنا زهقت عملتلها بلوك".
وتابع: "الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت وأستحملت إهانات بقالى سنين على حاجات محصلتش، وعمري ما أشتكيت ولا أتكلمت ولا دفعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا، بس خلاص أنا أضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والأهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بإية دا اللي هي قالته للناس أقوي من أي تهديد، اي اللي عندي أهدده به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكلمة لميس الحديدي وطلعت قالت شتائم وحاجاة في حقي، كفاية كفاية ناس".
وعن سرقته خزنة شيرين عبد الوهاب، قال حسام حبيب: "أنا عايز أعرف إزاي سرقتها، هل دخلت وأنا لابس طاقية الأخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرفت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي".
وتابع: "وعايز أقول للناس كلها شيرين عبد الوهاب بتستقوي بيكم، ودائما بتهددني عشان لو معملتش حاجة، تقولي مش هخليكم تمشي في الشارع، فأرجوكم بالله عليكم بلاش تمشوا مع حد عايز أظلم حد".
