أعلن مغني الراب المصري محمود عبد الرازق إعتزاله الفن والغناء، وذلك بمقطع فيديو عبر حسابه الخاص، وشدد على أنه لا يقوم بهذه الخطوة للإعلان عن أعمال جديدة له.
وقال محمود عبد الرازق: "السلام عليكم إخواتي الأعزاء، أنا طالع أقول بكل بساطة إني الحمد لله قررت استغنى بالله عن الغناء والاستماع إلى الموسيقى بشكل نهائي، قرار صعب جدا سيبك من الابتسامة إللي على وشي يعني، أنا خايف جدا في كام سؤال مش قادر أفلت منهم وفي كام إشارة مش قادر اتجاهلها وخايف أكون من الذين ضل سعيهم في الحياة الدنيا ويحسبون أنهم يحسنون صنعا. الموضوع مرعب أوي ودا مش تسويق ولا حركة من الحركات إياهم معاذ الله، الواحد كان على أعتاب خطوات المفروض أنها مهمة بالنسبة للمجال ده لكن سبحان الله أنه هداني للقرار ده أكيد دا خير وربنا ليه حكمته واحتسبه عند الله أنه سيبدلني بيه خير، لو أي حد زعلان مني أنا آسف وأنا مسامح الكل وأشوف وشكم على خير".
