استذكرت العديد من الفنانات والمشاهير في لبنان، إنفـ ـجار مرفأ بيروت، الذي وقع في الرابع من شهر آب/أغسطس عام 2020.
وكتبت الفنانة اللبنانية نانسي عجرم في منشور لها: "كم إم اليوم عم تبكي عالسكت؟ كم عايلة تغيّرت حياتن للأبد؟ كم ولد تيتّم وصار وحيد؟ وكم جريح بعدو يمكن لهلق عم يعاني؟ كرمالن كلّن وكرمال الضحايا الأبريا اللي راحوا ب ٤ آب ما رح ننسى، العدالة لضحايا انفجار مرفأ بيروت".
كما عبرت سفيرة الإعلام الهادف الإعلامية هلا المر عن غضبها، قائلة: "آب بذكرني قديش ضمير المسؤولين ميت .. كان ميت من قبل وبعدو ميت وبذكرني قديش نحن عايشين بين مجرمـ ــين كبار".
وتساءلت الفنانة نجوى كرم: "كيف رح ننسى؟ وما فينا أبدا، بس لازم نكفّي ونكفّي، حتى يعرف الكلّ الكلّ، إنّو نحنا الشّعب الحيّ!! بيروت، نحن أبناء القيامة".
أما الفنانة إليسا فكتبت: "وعد إنو ما راح يمرق نهار وما نحكي فيه عن ٤ آب وعن يللي صار بأهلنا ومدينتنا. ما راح ننسى وما راح نسامح. الوجع كبير بس حبّنا لهالبلد بيبقى أكبر من كل شي. الله يحميك يا لبنان".
وقالت الفنانة كارول سماحة: "في جروح ما بتصغر مع الوقت، وكل يوم بتكبَر أكتر... بيروت ما رح ننسى".
الفنانة نوال الزغبي كتبت: "من يوم ٤ آب ٢٠٢٠ واللبناني عم بموت كل يوم.. ولاخر يوم بعمره رح يضل ناطر يعرف الحقيقة..
انفجار مرفأ بيروت اكبر جريـ ـمة ارتُكِبِت بحق شعب.. لن ننسى".
ووجهت الممثلة دانييلا رحمة رسالة مؤثرة قالت فيها: "بكل سنة بذات اليوم والوقت، بيرجع ذات الوجع وكأنه علّم فينا ورافض يتركنا. متل اليوم وبلحظة خسرنا أكتر من 200 شخص، وتغيّرت حياتنا كلنا. كرمالنا وكرمالن رح نضل نطالب بالعدالة تنصفهن وساعتها بس القلب يمكن يشفى والوجع يمكن يخفّ".
