شاركت الممثلة المصرية رانيا فريد شوقي الجمهور مقطع فيديو قديم للغاية، جمع لقطات لوالدها الممثل المصري الراحل فريد شوقي، وذلك بمناسبة ذكرى رحيله.
وعلقت رانيا على المنشور بكلمات مؤثرة للغاية، وقالت: "26 عامًا على رحيلك اتحرمت منك ومن حنيتك ودلعك وكنت أميرتك وماكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ. كنت دايما بتتكلم معايا وتقنعني وتنصحني وتحميني حتى من نفسي وأموت ولا تزعل مني أنت وحشتني أوي وأنا دايمًا بتكلم معاك حتى لو مش سامعني بس برتاح لما أفضفضلك طب عارف إيه اللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها سنة قاسية أوي عليا يا بابا بحاول أتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني".
