كشفت الإعلامية المصرية ياسمين عز، خلال تقديمها برنامجها "كلام الناس" ان موعد زفافها اقترب كثيرا وذلك خلال توجيهها نصيحة لاحدى المتابعات لبرنامجها حول سر الزواج الناجح وقالت ياسمين : "أنا هقولك بشكل عام لأني في الطريق للجواز، وأنا شايفة من تجربة أهلي، إن الست عمود البيت والست بذكائها وحكمتها وعقلها واحتوائها وقدرتها على استيعاب الأمور مع الرجل وتقبل اختلافه، والموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست تكون صبورة وتدلعه ولو شايفين إن اللي بقوله تفاهة لن تفلحوا مع الرجل، أنك تدلعي الرجل صنعة".
وتابعت: "لو فيه واحدة خرساء اتجوزت هتلاقوا أن الشكاوى من اللسان الطويل والرد خلصت، متقوليش أنا طيبة واللي في قلبي على لساني، لأ متقوليش اللي في قلبك قدام جوزك".
وأكدت انها لا تقبل ان يكون لزوجها اي علاقة مع امرأة أخرى: "عمري ما قولت لو جوزك في علاقة مع واحدة متزعليش ده محبوب، أنا مقبلش إن جوزي يكون في علاقة مع واحدة، ولكن أفرح لما يكون محبوب".