تحدثت الممثلة المصرية حورية فرغلي عن سبب رفضها لفكرة التبني، مشيرة إلى أنها تكفلت بأطفال من ذوي الاحتياجات الخاصة ولكنهم توفوا.
وتابعت كاتبة : "كان نفسي أبقى أم، وحصل قبل كده واتبنيت طفلين وماتوا، كانوا اتنين من ذوي الاحتياجات الخاصة وحاولت أتبناهم وقالولي ماينفعش أخدهم معايا البيت؛ عشان لازم أكون متجوزة، ولكن ممكن أتكفل بيهم، واتكفلت بيهم 6 سنين وبعدين اتوفوا".
وأضافت: "اللي عندهم عيلة وعندهم ولاد دايمًا بيفكروا إزاي يحافظوا عليهم لحد ما يكبروا ويجوزوهم، وأنا معنديش الحكاية دي ومعنديش العيلة دي وأنا عندي شعور إني ربنا موفقنيش في الدنيا، ربنا عوضني في موضوع مسرحية رابونزل، ومكنتش متخيلة إن أنا همثل مع أطفال ولا هيبقى جمهوري أطفال، والأطفال حافظين الكارتون وعارفينه، فمينفعش إن أنا أغلط ولا غلطة"، مضيفة "إحساس جميل أوي يكون عندك جمهور كلهم أطفال، ودي حاجة جديدة بالنسبة لي".
وقالت: "في بنت لقيتها بعد العرض جايالي لابسة نفس فستاني ونفس الباروكة، وكان لما حد يسألني سؤال؛ كانت هي تجاوب".
وكانت تلك التصريحات خلال برنامج "نجمك مع يارا"، الذي تقدمه الإعلامية يارا أحمد، عبر قناة “هي” .
