تحدثت الممثلة المصرية هنا الزاهد، عن علاقتها بالفنان تامر حسني، كاشفة أنها تأثرت به في طفولتها بدوره في فيلم "عمر وسلمى"، لدرجة أنها حولت دمية من نوع باربي إلى شكل يشبهه، وأطلقت عليها اسمه.
وقالت هنا خلال مقابلتها في برنامج "صاحبة السعادة": "وأنا صغيرة كنت بحب أوي عمر وسلمي، وكان بالنسبالي عمر هو الولد الصايع وعايزة أتجوزه".
وتابعت: "كان عندنا أنا وفرح أختي عرايس باربي، أخدت واحدة وقصيت لها شعرها وبقى شكلها بشع، ولونت حواجبها بقلم فلوماستر زي تامر حسني، وسميت العروسة تامر حسني، وأنا وفرح بقينا نتخانق تامر هيركب مع مين العربية".
وأشارت هنا إلى أن إصرار تامر على مشاركتها الغناء في أحد الأعمال الفنية وقالت: "تامر مش عارفة ليه شايف إني لازم أغني، وفي فيلم بحبك كان عامل أغنية لنا مع بعض ومتحمس أوي، روحت أسجل وغنيت أول كوبليه قال حلو أوي اللي بعده، والكوبليه اللي بعده كان صعب وبدأت أنشز وبدأ وشه يصفر، والكوبليه اللي بعده وشه اخضر، وفي الآخر قال قومي روحي أنا غلطان، بس الفيلم الجديد بنغني فيه مع بعض أغنية".