اقتربت الفنانة نجوى كرم من النصف مليون بأغنيتها الجديدة "يلعن البعد" وذلك بعد يوم واحد على طرحها عبر يوتيوب.
أغنية "يلعن البعد" من كلمات وألحان إيفان نصوح، توزيع موسيقي هادي شرارة، ميكس وماستر إيلي بربر، و الأغنية طرحت على شكل فيديو كليب، تم تصويره تحت إشراف المخرج كرم نقولا كرم.
و تقول كلمات الأغنية:
"متوعد ضُمَّك ضَمِّة كسّر فيها ضلوعَكْ
اقطع أنفاسك تا بكّيك وشوف دموعك
حتى تتعلم شو يعني منّك تحرمني يي
وتحرّم تبعد عن حضني وتتطوّل برجوعك
يلعن البُعد
يلعن الجفا
وفراق البيّهِدّ الحيل
عـ بعدك أنا ببقى مش أنا
وبحسّ بخنقة و بويل
أنا ما بهددّ لمّا بشتاق بقول وبفعل
وشوق الجوّاتي مئذي أكتر ما بتتخيّل
اوعك شي مرة تبعد عني وتجربني يي
بيقتلني غيابك وحياتك أنا ما بتحمّل
يلعن البُعد
يلعن الجفا
وفراق البيّهِدّ الحيل
عـ بعدك أنا ببقى مش أنا
وبحسّ بخنقة و بويل".
