تعرض الإعلامي والمعلق الرياضي المصري مدحت شلبي مساء أمس الثلاثاء، لحادث مروع سير مروع، أدى الى تهشم سيارته.
وكتبت زوجة مدحت عبر حسابها، كاشفة عن تفاصيل الحادث ونجاة زوجها: "الحمد لله 3 غرز وعدت على خير".
وتابعت: "حمد الله على سلامتك يا زوجي الغالي مدحت شلبي وفداك 100 عربية".
وكان مدحت شلبي قد إسترجع ذكرياته مع الفنان عمرو دياب قائلاً : "بحكي حاجة هقولها لأول مرة أنا كنت قائد حرس كلية الألسن جامعة عين شمس، كنا عاملين حفلة في الكلية بنسلي الناس، فجايبين نجمين النجم الأول بتاع الحفلة الله يرحمه سمير الإسكندراني واللي بيسند معاه عمرو دياب".
وتابع: "سمير الإسكندراني في الوقت ده كان أجره 1800 جنيه وكان مبلغ في الوقت ده، أما عمرو دياب كان مقرر ليه هو وفرقته 500 جنيه، وهو كان جاي في ميكروباص".
وأضاف: "عمرو دياب كان عندي في المكتب ولقيت عميد الكلية الدكتور شعيب بيكلمني وبيسألني "المطرب عمرو عندك؟" قلت له أيوة، قالي "هزه شوية" كان عايز يخفض الـ500 جنيه، قلت له أهزه فين دا جاي في ميكروباص ودافع 100 جنيه ليه من بورسعيد أهز إيه".
