أعلن الفنان الشعبي المصري علي قدورة إعتزاله الغناء، حيث نشر قدورة فيديو له عبر حسابه وعلق عليه كاتباً :" أن اعتزلت الغناء، علشان مش حمل أشيل ذنب الناس اللي بتسمع الأغاني بتاعتي، وبحاول أحذفها من على اليوتيوب ومش عارف".
وتابع: لما كلوشة مات لا يعلم مصيره خاصًة أنهما قدما أغاني سويًا، كما أن باب التوبة مفتوح، إعمل اللي انت عايزه وصلي صلاتك هتنهيك عن الغلط، والحلال بين والحرام بين، وأنا اكتفيت وشبعت الحمد لله.
السلام عليكم في يوم جمعة مبارك أنا علي عبد القادر السيد، الشهير بـ علي قدورة، كنت مغني قبل النهاردة، فيه حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا.
وإختتم :" ربنا يسامحني على أي حاجة أنا عملتها في حياتي، أو أي حاجة صدرت مني دون قصد، يا رب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال، وأي فلوس معايا هسيبها لـ أهلي".
