أعلن الممثل والكاتب ومقدم البرامج طارق سويد عن تحضيره برنامجاً على قناة الجديد، الى جانب كتابته عملاً تمثيلياً.
ونشر طارق سويد صورة له في عيد ميلاده الذي يصادف اليوم 26 حزيران، وعلّق بالقول: "اليوم عيد ميلادي، و اليوم وقعت رسمياً عقد انضمامي لشاشة الجديد ببرنامج كتير بيشبهني من إخراج نضال بكاسيني..و سر تاني ما فيي افضح كتير عنو بس فيي قلكن عم بكتبلكن قصة حلوة كتير...اللي بدي قولو اليوم بعيد ميلادي انو هالهديتين اللي بلشت فين سنتي، هني هديتين منكن انتو. مش سهل ابداً بمجالنا تغيب سنين و بس تقول انك رجعت، تلاقي البواب كلها مفتوحة الك و ما كأنك غبت نهار..هيدا شي ما بصير لو ما محبتكن إلي و تقديركن لشغلي و موهبتي....بشكركن من قلبي عالحب اللي بتعطوني ياه بكرم كبير، بشكركن لأن نطرتوني ارجع و بغيابي ما وقفتو يوم تسألو عني..بشكر الله عكل شي...بحبكن كتير طارق سويد".