خرج محمد عبد الوهاب، شقيق الفنانة المصرية شيرين عبد الوهاب، عن صمته في القضية التي وجهتها الأخيرة له، والتي تقوم على التآمر عليها واستغلال التوكيل المحرر منها في بيع الحقوق الخاصة بها، بالإضافة إلى استغلال منصاتها على مواقع التواصل الاجتماعي.
ونشر شقيق شيرين محضراً، يكشف فيه أنه تم التحقيق معه قبل عامين في النيابة العامة، وبعد سماع أقواله تقرر حفظ البلاغ إداريا، ما يعني عدم ارتكابه أي مخالفة قانونية تستوجب المحاسبة.
وعلق عبد الوهاب على المحضر قائلاً: "كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إدارياً في كل الاتهامات اللي اتوجهت ليا بتاريخ ۱۹/۱۲/۲۰۲۲ يعني من سنتين".
وتابع عبد الوهاب: "إيه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت على التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه!، وده إن دل على شيء فهو يدل على إني مش عايز أختي شكلها يبقى وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا أستحمل أي حاجة إلا إنها تتوجع في ولادها".
وأردف قائلاً :"وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم اخلاء سبيلي من النيابة على ذمة القضية لحد ما اتحفظت القضية بس انتي بقى بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه، وده حق ربنا لا ظلم ولا افترى، ونفس الكلام اللي من سنتين بيتعاد تاني معرفش لمصلحة مين مع اني بعيد عنك وعن حياتك من سنين قبل الواقعة وسنتين من بعدها، ده قرار النيابة العامة الموقرة في الافتراءات اللي اتوجهتلي ، مش بيان من محامي، وأي حاجه هرد بيها هتكون مستند حكومي عليه ختم النسر".
وختم حديثها قائلاً :"مرفق هنا الفيديو بتاريخ ١١/١١/٢٠٢٢ اللي قولتي فيه انك اتنازلتي ولعبتي دور الضحية، ومرفق برضو المستندات الرسمية اللي بتثبت ان القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".
