احتفلت الفنانة الأردنية ديانا كرزون، بعيد ميلاد ابنتها الكبرى سلمى، التي بلغت عمر الـ3 سنوات.
وشاركت ديانا متابعيها عبر حسابها الرسمي، صورة لابنتها وهي تقف أمام مجموعة من الزهور، دون ان يظهر وجهها، وأرفقت الصورة بتعليق أعربت فيه عن حبها الكبير لها.
وكتبت ديانا في تعليقها: "اليوم من أحلى أيام حياتنا، زي اليوم كنا أول مرة نعرف دموع الفرح ونعيشها ونشعر بها، وراح السؤال اللي كنا دايما محيرنا كيف يعني دموع الفرح، معقول عنجد يجتمعون".
وأضافت: "حتى عشنا اللحظة بفضل ونعم رب العالمين علينا وعرفنا قديش هالدموع بتكون طالعة من القلب وما بتقدر تسيطر عليها بلحظة فرح ما بتنتسى وما بشبهها أي فرحة ممكن الواحد يعيشها".
وتابعت: "زي اليوم ربنا أكرمنا ورزقنا بأجمل نعمة وأطيب وأغلى رزق من رب العالمين (سلمى) نور عيوننا ونبض قلوبنا وفرحة عمرنا.. اليوم صار عمرك ٣ سنين أحلى ٣ سنين بحياتنا بتكبري كل يوم قدام عيوننا وكل يوم بتتعلمي شي جديد وإحنا كمان كل يوم بوجودك بنتعلم شي جديد بالحب والعطاء وبنستوعب أكثر حب أهالينا إلنا وخوفهم علينا وقديش إحنا غالين عليهم.. الله يكتبلك أجمل الأيام وأحلاها يا روح بابا وماما".
