بمناسبة عيد الأضحى المبارك، إستذكرت الممثلة المصرية رانيا فريد شوقي والدتها الراحلة، ونشرت صورة تجمعها بها، ووجهت لها رسالة مؤثرة، قالت فيها: "أمي هي عيدي و فرحة العيد، يعني حضن أمي و ضحكتها مافيش حاجة ليها معني من غيرك يا روح روحي، بحاول اعيش و اشتغل و أضحك، لكن ضحكة مصطنعه و انبساط زائف، و الناس فاهمين اني تغلبت علي الوجع و الكسره و نسيتك، هما مش عارفين انا جوايا ايه".
وأضافت: "انا اتكسرت اه انا عامله قوية، لكن الحقيقة اني اضعف من الضعف، تايهه و بالهي نفسي علي قد ماقدر، عشان ماركزشي، و زرعت في دماغي فكرة انك مسافرة أمريكا عند طارق اخويا، زي ماكنتي بتعملي و انا مستنياكي ترجعي بالسلامة"
وختمت: "اكيد عيدك في الجنة أحلي مع ارحم الراحمين و كل حبايبك و أبويا حب عمرك، بحبكم اوووووووي إلي ان نلتقي يا روح القلب".