علق الفنان المصري أحمد جمال على حادث السير الذي تعرض له، ورد على الإتهام الذي وجه له بصدم رجل مسن عن طريق الخطأ على طريق الفيوم الصحراوي.
وقال أحمد جمال بمقابلة مع إبراهيم فايق إنه لم يخطئ، وإنه ظل متواجداً إلى جانب الشخص المصاب حتى إطمأن عليه، وهو الآن في حالة جيدة، وأضاف: "والله أنا مليش ذنب، أنا ماشي بالعربية على الحارة الشمال استعدادا إني هلف يعني جنبي الحاجز اللي بين طريقين ومفيش مهرب، الحارات اللي جنبي في اللي أسرع مني فـ اللي بيعدي مش باين. في راجل كبير كان لابس جلابية وكانت حركته معطلاه، كان جاي من الناحية اليمين وعشان يهرب من ميكروباص جاي بسرعة راح جاري فجأة، وأنا فجأة لقيته قدامي، أنا تفاديته على قد ما أقدر عشان مخبطش في الحاجز الخرساني، هو مخبطش في وش العربية خبط في المراية. لما الراجل اتخبط في المراية وقع، والعربية اللي جايه بعدي خبطته، ودا طريق سريع وأنت قدامك حاجتين يا تفرمل وتحصل مصايب وراك يا تفادي الراجل وتمشي. الراجل الحمد لله تمام وأنا ممشيتش غير لما اطمنت عليه".