صرح المخرج المصري أحمد عبد الله محمود قائلاً: "أنا فخور جداً بوالدي الراحل عبد الله محمود وسيرته العطرة، وكنت أتمنى لو كان موجود معي ليرى النجاح الذي حققته في أعمالي الأخيرة".
وتابع : "مش عايزه أقول أنا ورثت ايه من أبويا، بس لو هقول هيبقى ورثت منه الرجولة والالتزام في شغلي ومع أسرتي، أبويا متوفي من 19 سنة ولحد دلوقتي كل ماتيجي سيرته بسمع عنه دهب دا غير إني ورثت منه عشقي للفن مش بس حبي ليه".
وتحدث أحمد عبد الله محمود عن موقفاً مؤثرا جمعه بوالده الراحل خلال فترة مرضه قائلاً: "أنا مش مطرب لكن لما عملت أغنية كان صعبان عليا وانا شايف المرض بيسيطر على سندي وضهري في الدنيا أبويا، ومكنتش قادر اعمله حاجة ف كنت عايز اقوله حاجة وكلمت صاحبي ملحن عشان اعمل له أغنية وخدت منه فلوس أكني هجيب لبس، غبت ١٨ ساعة، لما روحت سيبتله الـCD في المستشفى، ولقيت الممرضات بيكلموني بيقولوا لي تعالي، روحت لقيته مجمعهم وبيقول لهم بصوا ابني عملي ايه وقتها حسيت بفرحة وسعادة حقيقية".
وأضاف أحمد عبدالله محمود وقال: "أتمنى أقدم شخصيته بفيلم (المواطن مصري)، وتعلقت جدا بها وتأثرت بها وكان سبب في عشقي للفن .
وكانت تلك التصريحات خلال حلوله ضيفاً على برنامج "واحد من الناس" الذي يقدمه الإعلامي عمرو الليثي عبر شاشة "الحياة".
