تفاعلت الممثلة المصرية عبير صبري، مع خبر قيام سائق في إحدى شركات النقل، بالإعتداء على فتاة في مصر، وتكرار هذا الحادث أكثر من مرة.
وكتبت عبير صبري عبر حسابها الخاص: "أنا كتبت البوست ده وعاوزة نعمل حملة عشان مقاطعة هذه الشركة أرجو إنك تساعديني في نشر البوست بتاعي وطلبي إن البنات في مصر تعمل حملة لإلغاء الأبليكيشن ده لأنه أصبح خطراً علينا كلنا وممكن أي بنت وست فينا تتعرض لنفس مصير حبيبة والبنت بتاعت النهاردة وغيرها. هي "شركة" دول مسؤولية مين؟ يعني اللي بيشغلّهم مين... الكبير بتاعهم مين؟؟ هل همّا شركة بتشتغل مع نفسها كده بيزنس خاص يعني... وإذا كان كده فين الرقابة عليهم؟ مفيش رقابة عليهم ليه؟؟ ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموّتوهم ويتحرّشوا بيهم ويعتدوا عليهم ويغتصبوهم؟؟؟؟ إزاي مفيش حل مع المجرمين دول؟ لازم السوّاقين دول يكونوا تحت مسؤولية وزارة الداخلية أقل شيء بعد الجرايم المتكررة دي أرجو أن تتضامن النساء في مصر للمطالبة بغلق هذا الأبليكيشن".
