أعربت الفنانة السورية أصالة عن سعادتها بقدومها إلى لبنان قريباً، كاشفة أن هذا الأمر هو حلم راودها منذ زمن، وسيتحقق قريباً.
ونشرت أصالة فيديو يظهر العديد من الصور الخاصة بـ لبنان، ووجهت رسالة إلى محبيها في وطننا لبنان، قائلة: "معكم بقدر أبدى حوارنا من نصّه لأنه فيه بيني وبينكم حديث ابتدى من سنين، فيه بيني وبينكم تماهي وإنسجام فيه علاقة إحترام وفيه كمان كلّ الغزل كلّ المشاعر الحلوة اللي بتبني قصور من المحبّة والصحبة اللي مابعدا صحبة، بشوف فيكم رفقات متشكلين من أحلامي فيكم الخلطة العجيبة وبكل هالحب اللي بيني وبينكم رح نلتقى لتزين كل هالدنيي موسيقى وحكايا حلوة وفرح".
وتابعت أصلة :"رح نتّفق على هالسهرة تشهد أحلى جمعه وأطيب وقت نعلقه بقلوبنا بكله مجرد ذكراه ترسم على وجوهكم أحلى إبتسامة، أنا كتير مبسوطة وكتير كتير مشتاقة وموعدنا عندي أحلى تاريخ وإنتظاره حلو لأني عم أرسم فيه كيف حتكون ليلتنا وكل يوم بزود فيه شمعة جديدة وكل ليلة بعلّق فيه ضو جديد، بكل شوق عم بستنى هاليوم".
