تحدثت الممثلة المصرية سلمى أبو ضيف عن عائلتها، وعن طفولتها التي عاشتها ضمن الأقمشة ودفعتها لحب الأزياء بشكل كبير.
وقالت سلمى: "أنا طول عمري بحب اللبس وفاكرة زمان بابا كان بينزل يشتري معايا اللبس، بابا كان بيشتغل في الأقمشة كان تاجر قماش، كان دايما يشوف الخامة فعندي خلفية، كنت أروح المحل عنده زمان في الأزهر أشوف الأقمشة وأعيش وسط القماش. ممكن أكون اتأثرت ببابا كان عنده عدسة يشوف بيها القماش، ولما كنا بننزل نشتري اللبس كان يقولي إيه "الهلاهيل" اللي بتجيبيها وفي حاجات يقولي هتلبسيها وهتفضل عندك في الدولاب، واتعلمت أن الجودة أهم من حاجات ممكن نشتريها وتترمي".
وعن مجوهراتها الثمينة، قالت سلمى أبو ضيف خلال لقائها في برنامج "معكم" من تقديم الإعلامية منى الشاذلي عبر قناة ON: "أغلى حاجة لبستها أظن كان في مهرجان كان، عقد كبير كان تحفة ألماظ كله لونه أخضر، باخده لفة وياخدوه مني. اللبس اللي بلبسه في فرنسا بحبه لأني بحس إني وأنا نازلة محدش هيتريق عليا وواثقة لكن هنا ممكن حد يتريق عليا، كان في لبس لبسته في مهرجان القاهرة والناس اتريقت عليا جدا".
