تحدثت الممثلة المصرية ياسمين عبد العزيز عن علاقتها بوالديها، وتحملها المسؤولية بعمر صغير.
وقالت ياسمين عبد العزيز: "أنا كنت أغلى موديل إعلانات، وكنت حاسة بالمسؤولية وبصرف على نفسي مصاريف المدرسة ودروسي وصرفت على نفسي في الكلية، ولما صلت لسن 15 أو 16 سنة اشتريت لنفسي عربية وشقة. ماما طيبة أوي لدرجة إن ممكن حد يضايقها ومتعرفش تاخد حقها، وأنا قررت أبقى عكسها وكنت عايزة أبقى شخصية قوية. طول عمري أهلي مكانش عندهم عربية، وكنت أروح المدرسة ألاقي أصحابي أهاليهم بيوصلوهم بالعربية، وصممت أشتغل لغاية ما أشتري عربية وأروح بالعربية المدرسة. أمي كانت بتشتغل وبتصرف عليا أنا وإخواتي الاتنين الكبار، وأبويا انفصل عن أمي واتجوز، وفي سن معين لما بقيت أكسب أكتر من أمي قلت لها اقعدي إنت وبقيت أنا اللي أصرف، وكان أخويا الكبير سافر وبقيت أنا وأمي لوحدنا".
