تحدث الفنان المصري عمر كمال عن سبب عدم ظهوره في برنامج المقالب "رامزؤ جاب من الآخر" الذي قدمه الممثل المصري رامز جلال في الموسم الرمضاني الماضي.
وقال عمر كمال: "كنت عارف أن في طرف تاني هيطلع في البرنامج وأنا مش عايزه، هي واحدة أنا مش عايز أظهرها للجمهور أو تظهر معايا في صورة واحدة. أنا كنت عارف فكرة البرنامج وكلموني فعلا ومقالوش مين هيطلع معايا لكن عرفت مين هي ورفضت لأني مش حابب اسمي يرتبط بالعلاقة دي، مكنش فارق الفلوس أنا كده كده الحمد لله بشتغل".
كما أعطى عمر كمال رأيه في ظهور حسن شاكوش وزوجته في الحلقة، قال خلال حواره مع الإعلامية أميرة بدر في برنامج "خلاصة الكلام" المذاع عبر قناة النهار: "أظن حسن شاكوش مكنش يعرف ولو كان يعرف مكنش هيروح، وبزعل لما اتنين شفت بدايتهم وألاقي النهاية بالشكل ده بدايتهم كانت حلوة وعملنالهم فرح جميل، أنا عاشرت حسن شاكوش في كل حاجة سفر ونجاح وخناقات، هو في حاجة أكيد بينهم محدش قالها، أنا مش بشوف حسن بشع للدرجة دي، حسن كان متقبل وكان ممكن يكمل لو اتقال كلمة كويسة، ولكن رد فعل طليقته كان مبالغ فيه".
