كشفت الممثلة المصرية دينا الشربيني عن تفاصيل قصة حبها الجديدة، وهوية حبيبها السري، الذي كانت عادة ما ترفض الإفصاح عنه.
وقالت دينا: "أول حرف من اسمه حسين وهو مصري وبيشتغل رجل أعمال من خارج الوسط الفني خالص، واحنا كان بينا أصدقاء مشتركين كتير أوي، وكنا بنتقابل وسط أصحابنا لحد ما ارتبطنا، واللي عاجبني فيه حاجات كتير، هو محترم جدًا بيراعي ربنا عنده حته دينية يمكن مش بتبان أوي بس هي جواه".
وأضافت دينا، خلال حلولها ضيفة على برنامج "كلمة أخيرة" من تقديم الإعلامية لميس الحديدي: "وجدع وعارفة لما حد يبقى عايز يعملك كل حاجة من غير ما يبان في الصورة، وأنا فاكرة كويس أوي صاحبي وقت أهلي كان من بعيد واقف عينه عليكي لو انتي محتاجة حاجة والحاجات دي بتفرق لي أوي، وهو أبعد ما يكون عن الأضواء واحنا شبه بعض في حاجات كتيرة أوي إلا دي، وهو متفهم أوي أني فنانة ويمكن في الأول كان مخضوض أو مش فاهم، وأنا ببقى مبسوطة أوي لما حد بييجي يتصور معايا وأشوف في عيون الناس نظرة حب وهو بيتبسط لإنبساطي".
