تحدث الممثل المصري أحمد عبد الوهاب عن قصة تعارفه بزوجته داليا صبحي خليل، وعن الموقف غير الطبيعي التي تعرضا لها في حفل زفافهما.
وقالت الزوجة داليا: "كل اللي يعرفنا عارف إنها علاقة غير طبيعية، مفيش بيني وبينه حاجات لازم نرسمها على بعض علشان نبقى كيوت، إحنا مطرقعين وده أهم ما يميز العلاقة".
وأكمل أحمد عبد الوهاب: "فرحنا إتعمل في 10 أيام، سألت والدها وحددنا الموعد بعد أسبوعين، وكانت الشقة تمام لكن ناقصة حاجات كتير لازم نشتريها ومفيش مطبخ. حجزنا مكان الفرح قبله بأسبوع، وإتجوزنا وقعدنا في الأوتيل يوم، وكان المفروض نسافر شهر عسل، لكن حصلت مشكلة في الورق ورجعنا البيت وهو فاضي تماما، وحطينا غلاية الشاي على كرتونة كإننا إحنا اللي بنشطب الشقة، وكنا محتاجين نشتري حاجة ومفيش عندي لبس غير بدلة الفرح. وشها كان حلو عليا جدا، من ساعة ما إتجوزنا كل الخطوات الحمد لله كويسة، مسرحية أنستونا، ومسلسل ألف حمد الله على السلامة، والحشاشين، وأشغال شقة".
حديث أحمد وزوجته هذا جاء خلال لقائهما مع الإعلامية منى الشاذلي في برنامج "معكم" المذاع عبر قناة ON.
